Wasiiru-dowlaha Wasaaradda Waxbarashada iyo Tacliinta Sare Mudane Cabdisalaan Cali Faarax oo uu wehelinayo Agaasimaha Guud ee Wasaaradda Mudane Maxamed Cali Nuur (Jubba) ayaa ka guddoomay qoraaga buugga Jiilka Daraawiishta Mudane Maxamed Siciid Cumar (Kaashawiito) nuqullo ka mid ah buuggiisa oo loogu talagalay goobaha Waxbarashada.
Wasaaradda ayaa ka sheegtay munaasabaddii Bandhigga Buuggan in ay kala wareegayso qoraaga nuqullo dhan 100 oo si bilaash ah loogu qeybin doono goobaha waxbarashada dhanka taariikhda.
