Madaxda iyo Agaasimeyaasha Wasaaradda Waxbarashada oo ka qeyb-galay Bandhigga Horumarinta Arrimaha Bulshada Puntland
Garoowe –Wasiiru-dowlaha Wasaaradda Waxbarashada iyo Tacliinta Sare Mudane Cabdisalaan Cali Faarax oo uu wehelinayo Agaasimaha Guud ee Wasaaradda Waxbarashada Puntland Mudane Maxamed Cali Nuur Jubba ayaa ka qeyb-galay kulan ku saabsan horumarinta arrimaha bulshada ee Puntland. Kulankan oo ay si wadajir ah u soo qaban-qaabiyeen Wasaaradaha ka shaqeeya arrimaha bulshada ee Puntland iyo Hay’adda Qaramada Midoobay ee UNICEF ayaa diiradda lagu saaray sidii loo horumarin lahaa adeegyada waxbarashada iyo guud ahaan arrimaha bulshada.
Intii uu socday kulanku, waxaa la qiimeeyey caqabadaha ka jira dhinacyada waxbarashada, caafimaadka, iyo adeegyada bulshada, iyadoo la isla gartay in la xoojiyo iskaashiga ka dhaxeeya hay’adaha maxalliga ah iyo kuwa caalamiga ah, gaar ahaan UNICEF, si loo hubiyo in barnaamijyada horumarinta ee socda ay gaaraan dhammaan bulshada Puntland.
Agaasime Maxamed Cali Nuur Jubba ayaa kulanka ka jeediyey qorsheyaasha hirglay ee dhan horumarinta waxbarasha, gaar ahaan sidii carruurta Soomaaliyeed ee ku nool Puntland ay u heli lahaayeen waxbarasho tayo leh oo ku saleysan baahiyaha bulshada.
DHAMMAAD
