Garoowe, April 20, 2024: Wasiirka Wasaaradda Waxbarashada Iyo Tacliinta sare ee Puntland Mudane, Hon. Fu’aad Adeer oo ay wehliyaan Wasiir Ku-xigeenka Wasaaradda Waxbarashada iyo Tacliinta Sare Mudane Maxamed Diiriye Gama’diid, Wasiiru-Dawlaha Wasaaradda Mudane Cabdisalaan Cali Faarax iyo Agaasimaha Guud ee Wasaaradda Mudane Jubba Cali Nuur ayaa qaabilay mas’uuliyiin ka socday Hay’adda World Vision ee Puntland.
Kulanka ayaa looga wadahadlay xoojinta wada-shaqeynta labada dhinac, hagaajinta hannaanka wada xiriirka iyo kor u qaadista korjoogteynta shaqada, iyadoo la isla qaatay in lagu saleeyo barnaamijyada la fulinayo qorshaha Dawladda Puntland ee dhanka Waxbarashada.
Sidoo kalena, kulanka waxaa lagaga hadlay hannaanka fulinta barnaamijyada waxbarashada ee World Vision Puntland, kor u qaadidda u qareemidda arrimaha waxbarashada iyo ilaalinta daah-furnaanta qorsheyaasha haatan socda, iyaga oo Madaxda World Vision ay uga mahadceliyeen Madaxda Wasaaradda Waxbarashada Puntland, kulankan iyo wada-xaajoodyada miro-dhalka ah.
– DHAMMAAD –
